Л.Наранбаатар: Ногдол ашгаас илүү өгөөж хүртэх ёстой

Л.Наранбаатар: Ногдол ашгаас илүү өгөөж хүртэх ёстой

Л.Наранбаатар: Ногдол ашгаас илүү өгөөж хүртэх ёстой

“Эрдэнэс-Тавантолгой” компани байгуулагдсанаасаа хойш 10 жил, иргэдэд хувьцаа эзэмшүүлснээс 9 жилийн дараа анх удаагаа хувьцаа эзэмшигчдэдээ ногдол ашиг тарааж эхэллээ. Монголын ард түмэн анх удаа байгалийн баялгийнхаа өгөөжийг ногдол ашгаар хүртэж эхэлсэн нь энэ.
“Эрдэнэс Тавантолгой” компани 2019 онд зөвхөн олборлолтын үйл ажиллагаанаасаа 1.8 их наяд төгрөгийн цэвэр ашиг олж, улмаар ТУЗ нь ногдол ашиг тараах шийдвэр гаргасныг Засгийн газар дэмжсэнээр иргэд ашиг хүртэх боломжтой болсон. Гэхдээ энэ ажил ингээд л бүтчихээгүй. Тодруулбал, хувьцаа эзэмшигчдийн тэмцлийн хүчинд олон жил нэр төдий байсан энэхүү хувьцаа “амь орох” үндэс суурь нь тавигдсан нь нууц биш. Удаашралтай байсан энэ ажилд “ташуур болж” байсан нэг хүн бол яах аргагүй “1072 хувьцаа эзэмшигчдийн эрх ашгийг хамгаалах холбоо”-ны тэргүүн, уул уурхайн эдийн засагч Л.Наранбаатар. Тэрбээр 25 мянган хувьцаа эзэмшигчийн гарын үсгийг цуглуулж, УИХ-¬ын Өргөдлийн байнгын хороонд хүргүүлж, “Эрдэнэс Тавантолгой” компанийг ногдол ашиг өг гэдэг шийдвэрийг гаргуулж чадсан билээ. Энэ тухайгаа тэрбээр “энэ бол бидний тэмцлийн үр дүнгийн эхлэл нь” хэмээн бичиж байв. Мөн саяхан “Монголчууд 1072 хувьцааныхаа ашгийг хүртэж эхэлсэнд баяртай байна. Бид бурууд ташуур өгч, зөвийг дэмжинэ. Цаашид ногдол ашгаас илүү өгөөж хүртэхийн төлөө ажиллана” хэмээн цахим хуудаснаа бичжээ. Ямартай ч 1072 хувьцааны ногдол ашгийг иргэдэд олгуулахын төлөө “Эрдэнэс Тавантолгой” компанийн гадаа жагсаж, хэвлэлээр сайн муугаараа хэлүүлж байсан түүний тэмцэл үр дүнгээ үзлээ, түүнд баяр хүргэе, Браво. Түүний хоёр жилийн энэхүү тууштай тэмцлийн үр дүн иргэдэд “ард түмэн бид өөрсдөө баялагтаа эзэн байхын төлөө дуугарах, тэмцэх ёстой” гэдгийг харуулсан тод жишээ боллоо.

cэтгэгдэлүүд
  • тэгвэл сайн л байна. Гэхдээ бэлэн өгөх биш хэрэгцээтэй зүйлд нь зориулбал. Тухайлбал, хүүхдийн сургалтын төлбөрт шингээж болно ш дээ

  • сэтгэгдэл үлдээх

    Create Account



    Log In Your Account