УИХ дахь МАН-ын бүлэг өнөөдөр хуралдаж зээл авсан нэр бүхий гишүүдийн асуудлыг хэлэлцжээ. Улмаар Хүнс, хөдөө аж ахуй, үйлдвэрийн сайд Б.Батзоригийг албан тушаалаас нь огцруулах нь зүйтэй гэж үзсэн байна. Мөн зээл авсан гишүүдийг авсан зээлээ яаралтай төлж барагдуулахыг үүрэгдсэн талаар МАН-ын бүлгийн дарга Д.Хаянхярваа мэдэгдлээ. Ийнхүү У.Хүрэлсүхийн Засгийн газар хоёрдахь сайдаа төрхөмд нь буцаах нь тодорхой боллоо.
Харин үдээс хойш сайд Б.Батзориг мэдээлэл хийж, өөрийнхөө хүсэлтээр огцрох өргөдлөө өгч байгаагаа мэдэгдлээ.
С.Бат
