Эрүүл мэндийн сайд Д.Сарангэрэл шинэ коронавирусын халдвараас сэргийлж, энэ удаад цагаан сарын баярыг тэмдэглэхгүй байх саналыг иргэнийхээ хувьд гаргасан билээ. Өнөөдөр Улсын онцгой комиссын хуралдаанаар уг асуудлыг авч хэлэлцээд сар шинийн баярыг цуцлах нь зүйтэй гэдэг шийдвэр гаргажээ.
Монгол Улсын Шадар сайд, Улсын онцгой комиссын дарга Ө.Энхтүвшингийн мэдээлснээр бол цагаан сарын баярыг гэр бүлийн хүрээнд л ёслох бөгөөд хөл хориог бүрэн тогтоох аж. Улсын онцгой комисс гаргасан шийдвэрээ Ерөнхийлөгчид уламжлах гэнэ.
С.Болд
