Монголын хамгийн үзэсгэлэнт газрын нэг бол Хөвсгөл. Битүү ой тайга, цэнгэг уст Хөвсгөл далайг үзэхийн хүслэн Монгол хүн бүрээс гадна гадаадынханд байдаг. Энэ утгаараа гадна, дотнын жуулчид хамгийн түрүүнд Хөвсгөлийг зорьдог. Тэгвэл Засгийн газар өнөөдөр буюу 2020 оны 6 дугаар сарын 1-нд ээлжит бусаар хуралдаж Хөвсгөл далайн байгалийн цогцолбор газарт “Найрамдал-2” хүүхдийн зусланг байгуулах шийдвэр гаргалаа. Монголын нийт үрсдээ баярынх нь өдөр барьсан хамгийн том бэлэг энэ боллоо. “Монголын ирээдүй болсон хүүхэд багачууддаа төр засаг хамгийн чухал бодлогоо чиглүүлэх ёстой” гэдэг Ерөнхий сайдын үг биеллээ олж эхлэв.
Д.Дорж
