Өчигдөр У.Хүрэлсүхийн Засгийн газар бүрэн бүрэлдэхүүнээрээ огцрох санал гаргаж, МАН-ын Удирдах зөвлөл дэмжсэн билээ. Улмаар УИХ-ын гишүүд Удирдах зөвлөлийн шийдвэрийг дэмжсэн юм. У.Хүрэлсүх ЗГХЭГ-ын дарга Л.Оюун-Эрдэнийг дараагийн Ерөнхий сайдад санал болгосон бөгөөд МАН-ын Удирдах зөвлөл Л.Оюун-Эрдэнийг Ерөнхий сайдад дэвшүүлэхийг 100 хувийн саналаар дэмжсэн байна. Л.Оюун-Эрдэнийн хувьд экс Ерөнхий сайд У.Хүрэлсүхийн дэмжлэгтэйгээр анх улстөрд хөл тавьж, богино хугацаанд карьерээ өсгөсөн залуу улстөрч юм.
