АН-ын даргын ахлах зөвлөх З.Энхболд цахим хуудсандаа “Шинэ УИХ-ыг “Тэрбумтнуудын клуб” гэх үү?” гээд МАН-ын 4 нэр дэвшигчийн зургийг тавьчихаж. АН-д 100 сая төгрөгөө төлж нэр дэвших эрхээ авсан хүмүүсийг ядуу гэж хэн хэлэх вэ?
Тэгээд ч “Ажнай” Д.Бат-Эрдэнэ, Кекүшюзан Батбаяр, Да.Ганболд, Г.Батхүү агсны хүү Б.Ганхөлөг, шатахуун импортлогч “M oil” группын эзэн Б.Пунсалмаа зэрэг хэдэн тэрбумаар тоологдох хөрөнгөтэй эрхмүүд АН-ын нэр дэвшигчдийг өнгөлж байгааг З.Энхболд “мэддэггүй” юмаа гэхэд хөрөнгө орлогын мэдүүлгээс нь харсан баймаар юм. Бас хэдэн зуун саяын хадгаламжтай нэр дэвшигчид АН-д олон байгаа нь Зи даргад харагдахгүй байгаа юм байх даа.
Түүнээс гадна хөрөнгөө нуусан тэрбумтнууд ч АН-аас олноороо нэр дэвшчихээд байгааг ард түмэн мэдэхгүй гэж бодоод байна уу? Ёстой л уйддаг юм уу, яадаг юм.
Д.Бат
