Дэлхий дахинд коронавирусын халдварын тохиолдол буурахгүй байна. Өнөөдрийн байдлаар нийт 60,880,145 хүн халдвар авч, 1,404,542 хүн нас бараад байна. Халдварын тархалт зүүн өмнөд Азид ч буурахгүй байгаа бөгөөд зарим оронд коронавирусын гуравдахь давалгаа эхэллээ гэж үзэж байгаа юм. Тухайлбал, БНСУ-д тархалт эргээд нэмэгдэж байгаа аж. Энэ талаар тус улсын эрүүл мэндийн албаны Өвчинд хяналт тавих, урьдчилан сэргийлэх төв “Өдөрт шинээр илэрсэн коронавирусийн халдварын тохиолдол хоёр өдөр дараалан 500-аас илүү гарлаа” хэмээн мэдээлжээ. Тус улсад одоогийн байдлаар коронавирусын халдвар авсан 27103 хүн эдгэрч, 516 хүн нас бараад байна.
