АНУ-д коронавирусний вакцины эхний тунг 10 сая гаруй хүнд хийж, орон даяар 29.3 сая тун вакциныг хүргээд байна гэж тус улсын Өвчинд хяналт тавих, урьдчилан сэргийлэх төв лхагва гарагт мэдээллээ.
АНУ-ын вакцинжуулалтын хөтөлбөрт урьдчилан төлөвлөж байснаас цөөн хүнийг хамруулаад байгаа хэдий ч сүүлийн нэг өдрийн хугацаанд сая орчим хүнд вакцин хийсэн байна. Хэдийгээр нарийвчилсан тоо гараагүй байгаа боловч мягмар гаргийн байдлаар есөн сая хүнд вакцин хийгээд байжээ.
Ерөнхийлөгч Дональд Трампын засаг захиргааны вакцинжуулалтын асуудал хариуцсан хөтөлбөр коронавирусний вакцинжуулалтын үйл явцыг түргэтгэхийн тулд 65 болон түүнээс дээш насны хүмүүс, архаг суурь өвчтэй залуу хүмүүст вакцин хийж эхлэхийг муж улсуудад мягмар гарагт уриалсан байна гэж МОНЦАМЭ мэдээллээ.
