ЭМЯ-ны мэдээллийн цагаар ХӨСҮТ-ийн тандалт судалгааны албаны дарга А.Амбасэлмаа “Өнгөрсөн 24 цагт “Амгалан” амаржих газарт долоон хүнээс коронавирусийн халдвар илэрлээ. Илэрсэн тохиолдлуудаас хоёр нь амаржсан эх, бусад тав нь эмч, сувилагч. Тиймээс хавьтал болоогүй, эмчилгээ шаардлагагүй байгаа 93 эхийг төрөхөөс гаргаж гэрийн ажиглалтад шилжүүлнэ. Харин хавьталд орсон иргэдийг эмнэлэг дотор тусгай тасагт тусгаарлаж шинжилгээ хийнэ” гэлээ. Ийнхүү эмнэлэгт халдварын тохиолдол гарч байгаа тул иргэд сайн дураараа шинжилгээ өгөх шаардлагатай байна.
