АНУ-д цар тахал дэгдэж эхэлснээс хойш жижиг бизнесийн үйл ажиллагаа явуулдаг 400 мянга орчим компани хаалгаа барьжээ. Үүнээс гадна өөр хэдэн сая компани дампуурлын ирмэг дээр байна гэж АНУ-ын Ерөнхийлөгч Жо Байден мэдэгдсэн байна.
“Жижиг бизнес эрхэлдэг компаниуд эдийн засгийн хөдөлгөгч хүч болдог хэдий ч бут цохигдоод байна. Жижиг бизнес эрхлэгч 400 мянган компани хаалгаа барьжээ” гэж Ж.Байден хэлжээ. Цагаан ордонд үг хэлэх үеэрээ цар тахлын нөхцөлд жижиг бизнес эрхлэгчдэд тусламж үзүүлэх хөтөлбөрт хэд хэдэн өөрчлөлт оруулах тухайгаа тэрбээр мөн зарласан байна гэж МОНЦАМЭ мэдээллээ.
