2021 оны Ерөнхийлөгчийн сонгуулийн сурталчилгаа өнөөдөр албан ёсоор дуусна. Сурталчилгааны сүүлийн өдөр буюу өнөөдөр МАН-ын нэр дэвшигч У.Хүрэлсүх, АН-ын нэр дэвшигч С.Эрдэнэ, Зөв хүн- Электорат эвслийн нэр дэвшигч Д.Энхбат нарын мэтгэлцээн МҮОНРТ-ээр гарахаар товлогдсон. Олон нийтийн телевиз ч бэлтгэл ажлыг хангаад байжээ. Гэтэл үүссэн нөхцөл байдлаас шалтгаан энэ удаагийн Ерөнхийлөгчийн сонгуулийн мэтгэлцээн цуцлагдсан байна.
Учир нь нэр дэвшигч Д.Энхбат коронавирусын халдвар авсан нь батлагдсан бөгөөд түүнийг эмнэлгээс гаргах боломжгүй гэдэг хариуг ХӨСҮТ-өөс өгсөн байна.
