Хойд Солонгосын залуу удирдагч Ким Жон Ун БНХАУ-д нууцаар айлчилж тус улсын тэргүүн Ши Жин Пинтэй уулзалт хийсэн нь олон улсын анхаарлын төвд байна. Эдүгээ 34 настай Ким Жон Ун 2011 онд төрийн эрхэнд гарснаас хойш анх удаагаа гадаад айлчлал хийж байгаа нь энэ юм. Уулзалтын үеэр Ким Жон Ун АНУ-ын Ерөнхийлөгч Доналд Траптай уулзах хүсэлтэй байгаагаа илэрхийлснээс гадна “Солонгосын хойгийг цөмийн зэвсгээс ангижруулах бодлогыг БНАСАУ тууштай баримталж байна” гэжээ.
