Сонгуулийн ерөнхий хороо (СЕХ) өнөөдөр, бямба гарагт Д.Сүхбаатарын талбайд сонгуулийн саналын хуудасны загвар, санал авах загвар байр, сургалтын саналын хуудсыг танилцуулж байна.
СЕХ-ноос Д.Сүхбаатарын талбайд байрлуулсан асарт иргэд, сонгогч олон сургалтын буюу туршилтын саналын хуудас бөглөж, санал тоолох төхөөрөмжид уншуулах, санал тэмдэглэх заавар зөвлөгөө авах зэргээр сонгууль зохион байгуулах үйл ажиллагаатай танилцах боломжтой аж гэж МОНЦАМЭ мэдээллээ.
