ТЕГ-ын дарга асан, хошууч генерал Б.Хурцыг саатуулсан талаар эх сурвалжууд мэдээлж эхэлсэн. Энэ ажиллагаа бодитой хэрэгжсэн болохыг албаны хүмүүс батлав. ЦЕГ-ын Хэвлэл мэдээллийн төвийн дарга, цагдаагийн хурандаа Б.Баатархүү “С.Зориг агсны хэргээр ял эдэлж буй Т.Чимгээ, Б.Содномдаржаа нарыг эрүүдэн шүүсэн гэх асуудалтай холбогдуулан энэ сарын 23-нд буюу өчигдөр Б.Хурцыг хойшлуулшгүйгээр 48 цагийн хугацаатай саатуулсан. Одоогоор үргэлжлүүлэн хорих саналыг прокурорт хүргүүлээд байгаа” хэмээн мэдэгдсэн талаар бид өмнө нь мэдээлсэн. Тэгвэл прокурорын шийдвэрийн дагуу түүнийг хорих хугацааг 15 хоногоор сунгажээ.
С.Бат
